Zëvendëskryeministri Besnik Bislimi ka thënë se nesër do të ketë një takim me emisarin special për dialogun Kosovë-Serbi, Miroslav Lajçak.

Në konferencën për media që doli bashkë me shefin e tij në qeveri, Bislimi tregoi se sot në Beograd do të votohet me propozim të palës serbe që UNMIK-u përfundimisht të hiqet nga përfaqësimi në CEFTA.

“Unë e shoh këtë si një zhvillim shumë pozitiv dhe shpresoj që kjo frymë konstruktive e Serbisë që e kupton që realiteti ka ndryshuar do të bartet pastaj edhe në dialog që t’i bindim palët që marrëveshja e Brukselit e Ohrit duhet të zbatohen në tërësi”, theksoi ai.

Ai tha se Lajçak po punon për caktimit e një takimi të radhës ndërmjet kryenegociatorëve, e për t’u dakorduar tha se do të zhvillohet edhe takimi me të të enjten.

Derisa qeveria votoi agjendën e reformave në kuadër të planit të rritjes, Bislimi këtë e quajti një hap shumë të rëndësishëm.

“Ideja është që të përshpejtohet procesi i arritjes së reformave në anën tonë që të përshpejtojmë edhe hyrjen në BE”, deklaroi ai./rtk